Əkbərova Nuray Vüqar qızı – 22 iyun 2003-cü ildə Gəncə şəhərində anadan olmuşdur. 2009–2020-ci illərdə Gəncə şəhər İmaməddin Nəsimi adına 44 nömrəli Məktəb-Lisey Kompleksində orta təhsil almışdır. 2020–2023-cü illərdə Tovuz Dövlət Sosial-İqtisad Kollecində “Mühasibat uçotu və audit” ixtisası üzrə təhsil almışdır. 2023-cü ildə Gəncə Dövlət Universitetinin “İqtisadiyyat və idarəetmə” fakültəsinin “İqtisadiyyat” ixtisasına qəbul olmuşdur. 2021–2022-ci illərdə “Alfa” MMC-də mühasib vəzifəsində çalışmışdır. 2022–2023-cü illərdə “LinkNet” MMC-də ofis meneceri vəzifəsində fəaliyyət göstərmişdir.2024-cü ildən etibarən 2 saylı Gəncə Regional “ASAN xidmət” mərkəzində ASAN Könüllüləri Təşkilatının nümayəndəsi kimi fəaliyyət göstərir. 2024-cü ildə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən “İlin ASAN Könüllüsü” mükafatına layiq görülmüşdür. 2025-ci ildə Könüllü Təşkilatlarının Dayanıqlı İnkişaf Forumu çərçivəsində fəxri fərmanla təltif olunmuşdur. Həmçinin 2025-ci ildə keçirilən III MDB Oyunlarında supervisor vəzifəsində fəaliyyət göstərmiş və bu münasibətlə təşəkkürnamə ilə təltif edilmişdir. 2025-ci ildə “Suverenlik Marafonu”layihəsində təşkilatçı kimi iştirak etmiş və fəaliyyətinə görə rəhbərlik tərəfindən təşəkkürnamə ilə təltif olunmuşdur. Eyni zamanda, təşkilatçılıq qabiliyyətinə və elmi işlərdə fəaliyyətinə görə rektorun Fəxri Fərmanı ilə təltif edilmişdir. 2025-ci ildən Gəncə Dövlət Universitetinin İqtisadiyyat və idarəetmə fakültəsinin Tələbə Gənclər Təşkilatının fakültə sədridir. Eyni zamanda Gəncə Dövlət Universitetində universitet üzrə Elmi Şuranın üzvüdür.
2025-ci ildə Azərbaycan Tələbə Gənclər Təşkilatları İttifaqının təqdim etdiyi “İlin tələbəsi” mükafatı ilə təltif olunmuşdur.

Yusifli Qəlbinur Bayram oğlu – 20 yanvar 2006-cı ildə Bərdə şəhərində anadan olmuşdur. 2012–2023-cü illərdə Bərdə şəhər Laçın rayon İ.Şahverdiyev adına Ağanus kənd tam orta məktəbdə orta təhsil almışdır. 2023-cü ildə Gəncə Dövlər Universitetinin “iqtisadiyyat və idarəetmə” fakültəsinin “Marketinq” ixtisasına qəbul olmuşdur. İdman sahəsində fəaliyyətinə görə Gənclər və idman naziri F.Qayıbov tərəfindən Fəxri Fərmanla təltif edilmişdir. Təşkilatçılıq qabiliyyətinə və ictimai işlərdə fəaliyyətinə görə rektorun Fəxri Fərmanı ilə təltif edilmişdir. 2025-ci ildən Azad Tələbə Həmkarlar İttifaqının fakültə sədridir. Eyni zamanda, universitet üzrə TGT sədrinin ictimai işlər və əlaqələr üzrə müavini və TGT idarə heyətinin üzvüdür.

Musayeva Güləsər Mircamal qızı – 28 mart 2007-ci ildə Gəncə şəhərində anadan olmuşdur. 2013-cü ildə Gəncə şəhərində yerləşən Məhəmməd Hadi adına 10 nömrəli tam orta məktəbə daxil olmuş və 2024-cü ildə həmin məktəbi uğurla bitirmişdir. Məktəbdə təhsil aldığı müddətdə müxtəlif tədbirlərdə və ictimai fəaliyyətlərdə fəal iştirak etmişdir.
2024-cü ildə Gəncə Dövlət Universitetinin “Turizm işinin təşkili” ixtisasına qəbul olmuş və hazırda bu ixtisas üzrə təhsil alır. Universitetdə oxuduğu müddətdə elmi fəaliyyətlə məşğul olur. Universitet həyatında aktiv tələbə kimi müxtəlif seminar, tədbir və layihələrdə iştirak edir, təşkilatçılıq və liderlik bacarıqlarını inkişaf etdirir. Hazırda fakültədə Tələbə Elmi Cəmiyyətinin sədri kimi fəaliyyət göstərir və tələbələrin elmi fəaliyyətə cəlb olunması, elmi tədbirlərin təşkili, konfrans və müzakirələrin keçirilməsi, elmi mühitin inkişafı istiqamətində aktiv rol oynayır.

Mənafova Zərifə – 03 dekabr 2006-cı ildə Gəncə şəhərində anadan olmuşdur. Orta təhsilini 2024-cü ildə Gəncə şəhərində yerləşən 21 nömrəli tam orta məktəbdə başa vurmuşdur. Elə həmin ildə Gəncə Dövlət Universitetinin İqtisadiyyat və idarəetmə fakültəsinin Turizm işinin təşkili ixtisasına qəbul olmuşdur və hazırda ali təhsilini bu istiqamət üzrə davam etdirir.
Təhsil aldığı müddət ərzində ictimai fəallığı və təşkilatçılıq bacarığı ilə seçilmiş, müxtəlif könüllülük və ictimai fəaliyyətlərdə aktiv iştirak etmişdir. 2025-ci ildə Synergia Academy tərəfindən təşkil olunan könüllülük proqramında iştirak etmiş, eyni zamanda Turizm Könüllüləri Təşkilatının üzvü olmuşdur. Gəncə şəhəri üzrə keçirilən seçim mərhələsində ilk 10 nəfər arasında yer almışdır.
O, Regional İnkişaf İctimai Birliyinin üzvü, Yeni Azərbaycan Partiyasının fakültə üzrə sədri, həmçinin Gəncə Regional Debat Mərkəzinin YAP üzrə sədri kimi fəaliyyət göstərmişdir. Tələbə Gənclər Təşkilatının təşkilatçılığı ilə keçirilən intellektual yarışlarda bacarıq pilləsi üzrə birinci yerə layiq görülmüşdür. Bundan əlavə, Əbədi Birlik Təşkilatının üzvü və Global Olympic Center-in könüllüsü kimi də fəaliyyət göstərmişdir.
İctimai və elmi fəaliyyəti müxtəlif sertifikatlarla təltif olunmuşdur. Tələbə Elmi Cəmiyyətinin təşkilatçılığı ilə Heydər Əliyevin anım gününə həsr olunmuş məqaləyə görə sertifikat almış, debat ictimai birliklərindəki uğurlu çıxışlarına və iştirakına görə sertifikatlara layiq görülmüşdür. Həmçinin Global Olympic Center-də könüllü fəaliyyətinə, Tələbə Gənclər Təşkilatı çərçivəsində əldə etdiyi nəticələrə görə sertifikat və mükafatlarla təltif edilmişdir.