Novruz bayramının mühüm mərhələlərindən biri olan Od çərşənbəsi ölkəmizin hər bir guşəsində böyük qürur və sevinclə qarşılanır. Qədim inanclarımıza görə, bu çərşənbə günəşin hərarətini, təbiətin qış yuxusundan oyanışını və mənəvi təmizlənməni simvolizə edir.

Od – istilik, işıq və enerji deməkdir. Bu mübarək gündə alovlanan tonqallar təkcə təbiəti deyil, həm də qəlbimizdəki qurub-yaratmaq eşqini yenidən canlandırır. Nizami yurdunun əzəmətini və qədimliyini özündə birləşdirən mənəvi dəyərlərimiz bu gün bizə gələcəyə daha böyük ümidlə baxmaq üçün güc verir.

İqtisadiyyat və idarəetmə fakültəsi olaraq, bütün professor-müəllim heyətimizi, əziz tələbələrimizi və xalqımızı bu əlamətdar gün münasibətilə səmimi qəlbdən təbrik edirik. Arzu edirik ki, Od çərşənbəsinin hərarəti evlərinizə ruzi-bərəkət, işlərinizə uğur və ölkəmizin iqtisadi yüksəlişinə yeni-yeni töhfələr gətirsin. Qoy qalanan bayram tonqalları bütün çətinlikləri geridə qoysun, gələcək fəaliyyətiniz isə bu alov qədər parlaq və enerjili olsun!

Hörmətlə, İqtisadiyyat və idarəetmə fakültəsi