Su Çərşənbəsi Azərbaycan xalqının qədim inanclarına əsaslanan və Novruz bayramına aparan dörd çərşənbənin birincisidir. Xalq arasında “Əzəl çərşənbə” və ya “Gözəl çərşənbə” də adlandırılır. Bu çərşənbə suyun təmizləyici, dirildici və yeniləyici gücünü simvolizə edir.
İnanca görə, Su Çərşənbəsində sular təzələnir, təbiət oyanmağa başlayır, insanlar su ilə paklanaraq yeni ilə ruhi və mənəvi hazırlıq görürlər. Bu gün su üstündən atlanmaq, su ilə bağlı ayinlər icra etmək qədim adətlərimizdə mühüm yer tutur.

Bu gün Azərbaycan xalqının milli-mənəvi dəyərlərini özündə əks etdirən Novruz bayramına aparan dörd çərşənbədən birincisi — Su Çərşənbəsi qeyd olunur. Su həyatın, saflığın və yenilənmənin rəmzi kimi xalqımızın dünyagörüşündə xüsusi yer tutur. Bu əlamətdar gün insanları təbiətə daha həssas yanaşmağa, saflığa, birlik və həmrəyliyə səsləyir. Su Çərşənbəsi xalqımızın zəngin mədəni irsinin, qədim inanclarının və milli kimliyinin yaşadılmasının bariz nümunəsidir.

Hər kəsi Su Çərşənbəsi münasibətilə təbrik edir, bol ruzi, sağlamlıq və uğurlu günlər arzulayırıq. Novruzun müjdəçisi olan bu çərşənbə evlərinizə bərəkət, qəlblərinizə aydınlıq gətirsin.