10 sentyabr 2026-cı il tarixində saat 10:00-da Gəncə Dövlət Universitetinin İqtisadiyyat və idarəetmə fakültəsinin İqtisadiyyat kafedrasının növbəti iclası keçirilmişdir. İclasda kafedranın əməkdaşları, professor-müəllim heyəti iştirak etmişdir.
Məhsuldar şəraitdə keçən iclasın gündəliyinə yeni tədris ilinin təşkili, pedaqoji heyətin dərs yükü və elmi-tədqiqat işləri ilə bağlı vacib məsələlər daxil edilmişdir.
İclasda aşağıdakı məsələlər ətraflı müzakirə olunaraq müvafiq qərarlar qəbul edilmişdir:
- 2026–2027-ci tədris ilinə hazırlıq vəziyyəti: Kafedranın yeni tədris ilinə hərtərəfli hazırlığı, auditoriya və tədris resurslarının vəziyyəti geniş müzakirə olunmuşdur.
- Dərs yüklərinin təsdiqi: 2026–2027-ci tədris ili üçün kafedra müəllimlərinin dərs yükləri müzakirə edilərək yekdilliklə təsdiq olunmuşdur.
- İş planlarının müəyyənləşdirilməsi: Müəllimlərin tərtib etdikləri fərdi iş planları və kafedranın işçi tədris planı nəzərdən keçirilmiş, lazımi tövsiyələr verilərək təsdiq edilmişdir.
- Sillabusların təsdiqi: Cari tədris ilinin I yarısında (payız semestri) tədris olunacaq fənlər üzrə sillabuslar geniş müzakirə olunaraq təsdiqə təqdim edilmişdir.
- Payız semestrinin tapşırıqları: Tədris olunan fənlər üzrə 2026–2027-ci tədris ilinin payız semestri ərzində icrası nəzərdə tutulmuş akademik və təşkilati tapşırıqların icra mexanizmləri müəyyənləşdirilmişdir.
- Monoqrafiyanın müzakirəsi: Kafedranın professoru Məmmədova Xədicə Fizuli qızının müəllifi olduğu “Azərbaycanda və Xaricdə Yüngül Sənayenin İnkişafının Müasir Meyilləri” adlı monoqrafiyası elmi heyət tərəfindən geniş müzakirə olunmuş, əsərin elmi-aməli əhəmiyyəti yüksək qiymətləndirilərək çapa təqdim edilməsi barədə müsbət rəy verilmişdir.
- Cari məsələlər: Tədris prosesinin keyfiyyətinin daha da artırılması, tələbələrlə elmi-tədqiqat işlərinin təşkili və digər təşkilati məsələlər ətrafında fikir mübadiləsi aparılmışdır.
Sonda gündəlikdə duran məsələlərlə bağlı müvafiq qərarlar qəbul edilmiş, yeni tədris ilində kafedranın fəaliyyətinin uğurla davam etdirilməsi üçün qarşıda duran vəzifələr müəyyən olunmuşdur.
