“Menecment və turizm işi” kafedrasının müəllimi Mətanət İsmayılova “Turizm marketinqi” fənnindən “Turist xidməti istehlakçılarının marketinq tədqiqi” mövzusunda “Turizm bələdçiliyi” ixtisasının (I kurs) tələbələrinə açıq dərsi təşkil etmişdir. Dərsdə fakültə dekanı dosent Məsim Abadov, kafedranın müdiri dosent Əli Allahverdiyev, müəllim Gülnarə Bağırova, müəllim Gülşən Tağıyeva iştirak etmişlər.

Açıq dərs zamanı müasir turizm bazarında istehlakçı seçiminin formalaşmasına təsir edən amillər, marketinq tədqiqatlarının metodoloji alətləri və turizm xidmətləri istehlakçılarının seqmentləşdirilməsi məsələləri, həmçinin rəqabətli bazar şəraitində turist məmnuniyyətini optimallaşdırmaq üçün tətbiq olunan elmi yanaşmaları aydınlaşdırılmışdır.

Mətanət müəlliməyə elmi fəaliyyətində uğurlar arzu edirik!