28 oktyabr 2026-cı il tarixində Gəncə Dövlət Universitetinin İqtisadiyyat və idarəetmə fakültəsində Elmi Şuranın növbəti iclası keçirilib. Fakültə rəhbərliyinin və Elmi Şura üzvlərinin iştirak etdiyi iclasda tədris və elmi-tədqiqat prosesinin keyfiyyətinin artırılmasına yönəlmiş vacib məsələlər müzakirə olunub.

İclasın gündəliyinə uyğun olaraq aşağıdakı məsələlər ətrafında geniş fikir mübadiləsi aparılıb və müvafiq qərarlar qəbul edilib:

1. Kafedralarda aparılan elmi-tədqiqat işlərinin icra vəziyyəti: Kafedralar üzrə elmi-tədqiqat planlarının yerinə yetirilmə dinamikası təhlil edilib, prioritet istiqamətlər üzrə tapşırıqlar diqqətə çatdırılıb.
2. Magistrlərin dissertasiya mövzularının müzakirəsi və təsdiqi: Magistrantların tədqiqat mövzuları fakültənin elmi istiqamətlərinə və müasir iqtisadi tələblərə uyğunluğu baxımından nəzərdən keçirilərək təsdiqlənib.
3. Buraxılış işləri mövzularının müzakirəsi və təsdiqi: Bakalavriat səviyyəsi üzrə tələbələrin buraxılış işlərinin mövzuları geniş müzakirə olunaraq Elmi Şura tərəfindən bəyənilib.
4. Tələbə Elmi Cəmiyyətinin (TEC) fəaliyyətinin yaxşılaşdırılması tədbirləri: Tələbələrin elmi-tədqiqat işlərinə cəlb olunması, elmi konfrans və layihələrdə fəallığının artırılması üçün nəzərdə tutulan tədbirlər planı müəyyənləşdirilib.
5. Müsabiqə yolu ilə professor-müəllim heyətinin seçkisi: Vakant yerlərə professor-müəllim heyətinin seçilməsi məsələsinə baxılıb və müvafiq prosedur qaydada səsvermə həyata keçirilib.
6. Cari məsələlər: Fakültənin cari tədris-təşkilati işləri və perspektiv planları ilə bağlı təkliflər dinlənilib.

Müzakirələrdən sonra gündəlikdə duran bütün məsələlər üzrə yekun qərarlar qəbul olunaraq Elmi Şuranın iclası işini uğurla başa vurub.